Скандалы

«Справа траўматолагаў»: некалькі чалавек выйшлі з СІЗА, адзін парэзаў сабе шыю

Амаль усе затрыманыя па «справе траўматолагаў» кампенсавалі «шкоду». Частку затрыманых сёння адпусцілі і адразу адправілі на працу. Знаных хірургаў ставяць працаваць у прыёмныя пакоі, паведамляе «Наша Н*ва».

Вядома пра як мінімум пяць чалавек, але выпушчаных можа быць больш.

Дактароў накіроўваюць працаваць у прыёмнае аддзяленне, дзе аказваецца дапамога пры адкрытых пашкоджаннях ці «простых» пераломах, якія не патрабуюць глыбокага абследавання перад аперацыяй.

Але найчасцей дактары там аказваюць толькі амбулаторную дапамогу і перанакіроўваюць пацыентаў у аддзяленне.

– Напрыклад, адзін з выпушчаных, Мікалай Жыхар — вельмі дасведчаны ў пратэзаванні, 80% яго аперацый — артапедычныя і не звязаныя з траўмамі. Гэта як ноўтбукам забіваць цвікі, — каментуе дэталі наш абазнаны суразмоўца.

Адзін з медыкаў у СІЗА парэзаў сабе шыю. Гаворка пра доктара адной з клінічных бальніц Мінска. Рана аказалася несмяротная. Цяпер пацярпелы знаходзіцца ў санчастцы Валадаркі.

Оцените статью

1 2 3 4 5

Средний балл 2.7(10)