Политика

Рада БНР звярнулася да дырэктара САЗ з заклікам дапамагчы спыніць COVID-19 у беларускіх турмах

Рада Беларускай Народнай Рэспублікі накіравала ліст Генэральнаму дырэктару Сусьветнай арганізацыі аховы здароўя Тэдрасу Гебрэесусу з нагоды умоў у беларускіх турмах, паведамляе Радыё Свабода.

Рада нагадвае, што многія пратэстоўцы заразіліся COVID-19 у месцах утрыманьня пад вартай.

Ад імя насельніцтва Беларусі Рада Беларускай Народнай Рэспублікі зьвяртаецца да САЗ з просьбай заклікаць цяперашнюю беларускую адміністрацыю выканаць свае абавязаньні паводле статуту САЗ і беларускай Канстытуцыі.

Тэдраса Гебрэесуса просяць дапамагчы, па-першае, спыніць масавую дыскрымінацыю насельніцтва, якое знаходзіцца ў зьняволеньні з прычыны сваіх палітычных перакананьняў і ня мае нармальнага доступу да нацыянальнай сыстэмы аховы здароўя ў часы пандэміі COVID-19. Па другое, заклікаць улады Беларусі ўзяць на сябе адказнасьць за здароўе людзей, забясьпечыўшы належныя мэдычныя і сацыяльныя ўмовы ў месцах масавага утрыманьня пад вартай.

«Мы просім САЗ аказаць садзеяньне ў прадухіленьні распаўсюджваньня COVID-19 у беларускіх турмах і месцах часовага ўтрыманьня, а таксама дапамагчы зьняволеным атрымаць доступ да асноўных мэдычных пратаколаў», — гаворыцца ў лісьце Рады БНР.

У якасьці аднаго з выхадаў з сытуацыі Рада БНР прапануе Тэдрасу Гебрэесусу заклікаць урад Беларусі адкласьці масавае выкананьне адміністрацыйных пакараньняў, у тым ліку турэмнае зьняволеньне, да заканчэньня пандэміі COVID-19.

Беларусь зьяўляецца членам Сусьветнай арганізацыі здароўя (САЗ) і ўдзельніцай яе Статуту зь першага дня, калі ён уступіў у сілу 7 красавіка 1948 году.

Оцени статью

1 2 3 4 5

Средний балл 5(29)