Бо калі б у нас было заўсёды і асабіста ў 2020 годзе больш прадпрымальнікаў, у нас бы не было Лукашэнкі. Ён бы проста не змог існаваць у асяроддзі, дзе абараняецца права ўласнай маёмасці. Менавіта бізнес змог бы стаць абаронай ад дыктатуры.
Эканаміст: «Бізнес змог бы стаць абаронай ад дыктатуры»
Былы супрацоўнік Дзяржсакратарыята Савета бяспекі — пра тое, хто насамрэч з’яўляецца пагрозай для Беларусі.
— Калі я працаваў у Радзе бяспекі і ў мяне пыталіся, што з’яўляецца асноўнай пагрозай для Беларусі, я заўсёды адказваў — беларускія сілавікі, — кажа эканаміст Яўген Буры ў інтэрв'ю «Еўр*радыё». — Бо яны надзелены непамернай уладай нават у пытаннях эканомікі. Нават у камісіі па эканамічнай бяспецы палова склада — гэта былі людзі ў пагонах. І гэта вельмі ўскладняла прасоўванне рэформ, а некаторыя, якія прымаліся, проста не выконваліся.
Эканаміст лічыць, што эканоміка Беларусі — гэта эканоміка сям’і.
— Эканоміка Беларусі будавалася так, як гэта было цікава набліжаным людзям. Калі гаварыць, як я бачу нацыянальную ідэю, — гэта развіццё ў тым ліку прадпрымальніцтва ў Беларусі.
Колькі гадоў рэжым рабіў так, каб чалавек працаваў на заводзе, які выконвае толькі функцыю працоўных месц, замест таго, каб чалавек рабіў уласны бізнес. І можа знойдуцца людзі, якія скажуць: навошта ісці к прадпрымальніку за 800 рублёў, які будзе ад мяне нешта патрабаваць, калі я магу працаваць на заводзе, шмат чаго не рабіць і атрымліваць 200 рублёў?
Гэта абыякавасць. Мы павінны гэта змяніць: не будзе абыякавасці, калі будзе развівацца прыватны сэктар.
Яўген Буры таксама прыводзіць прыклад, што шмат у якіх краінах самі жыхары ведаюць, што плаціць падаткі — абавязковая справа.
— У нас, на жаль, такога няма, бо людзі разумеюць, што гэтыя падаткі ідуць абы куды. Вельмі важна празрыстасць падаткаў. Трэба, каб чалавек бачыў, колькі грошай і на што ідзе.
Оцените статью
1 2 3 4 5Читайте еще
Избранное