Казак: «Беларускі рэжым намагаецца зарабіць пэўны капітал на вайне»

Альянс расследавальнікаў Беларусі высветліў, што завод «Легмаш» у Оршы працуе на расейскі ваенпрам і вайну супраць Украіны. Нядаўна завод наведаў Лукашэнка, яму дэманстравалі, як заўважылі расследавальнікі, асноўныя снарады для РСЗА «Град».

— Беларускі рэжым, безумоўна, намагаецца зарабіць пэўны капітал на вайне, як і абсалютна любая краіна ў падобнай сітуацыі, — кажа палітолаг, эксперт па нацыянальнай бяспецы Аляксандр Казак у экспрэс-каментары «Салідарнасці».

Гэтую навіну варта разглядаць у кантэксце інфармацыі з сакавіка гэтага года, згодна з якой беларускае прадпрыемства «Волатавто» павінна было вырабіць для расійскага заказчыка «Специальное конструкторское бюро» камплекты для рамонту «Градаў», але у выніку яны не дамовіліся па коштах.

У сувязі з гэтым беларускія ўлады перадалі субпадрадчыкам (верагодна, «Легмаш»), што гэта можа паўплываць негатыўна на якасць прадукцыі.

Нягледзячы на прамое супрацоўніцтва беларускага прадпрыемства з расейскім ваенпрамам, малаверагодна, што рэжыму з-за гэтага будуць пагражаць глабальныя наступствы, лічыць эксперт.

— Паколькі мы бачым пэўную колькасць прадукцыйных цэнтраў, цесна звязаных з расейскай вайсковай вытворчасцю або падвоенага прызначэння. Таксама не варта чакаць рэакцыі людзей на гэтую навіну.

Што тычыцца таго, ці стане цяпер завод у Оршы мішэнню — так (можна меркаваць — С.). Але варта згадаць, што за 826 дзён паўнамаштабнай вайны Украіна не нанесла ўдараў па Беларусі. Вынікае гэта, верагодна, з пэўных агульна неабходных дамоўленасцяў на лініі Украіна-Беларусь.