Еўрапейскі парламент прыняў рэзалюцыю па Беларусі
У 13.20 па мінскім часе абсалютная большасць дэпутатаў Еўрапейскага парламента прагаласавала за праект рэзалюцыі па Беларусі, узгоднены пяццю палітычнымі групамі Еўрапарламента. Рэзалюцыя заклікае беларускія ўлады гарантаваць свабоду выказвання і аб'яднанняў, зарэгістраваць партыю Беларуская Хрысціянская дэмакратыя, забяспечыць належныя ўмовы дзейнасці для недзяржаўных арганізацый і незалежных СМІ.
У рэзалюцыі еўрадэпутаты выражаюць вялікую занепакоенасць нядаўнімі парушэннямі правоў чалавека ў Беларусі супраць актывістаў грамадзянскай супольнасці, у асаблівасці Саюза палякаў, і выказваюць салідарнасць з беларусамі, чые грамадзянскія правы парушаюцца.
Дэпутаты таксама заклікаюць вызваліць палітычнага актывіста Андрэя Бандарэнку, вязняў сумлення Івана Міхайлава і Арцёма Дубскага,
зняць абмежавальныя захады супраць Тацяны Шапуцькі і адмовіцца ад кантролю за інтэрнэтам.
Еўрапарламент падкрэслівае, што Беларусь можа атрымаць максімальныя выгоды ад Еўрапйескага партнёрства ў тым выпадку, калі адбудуцца рэальныя змены ў забеспячэнні асноўных свабодаў, дэмакратыі, вяршэнства права і пашаны правоў чалавека, у асаблівасці правоў нацыянальных меншасцяў.
Да таго ж, пры прагрэсе ў сферы дэмакратыі і правоў чалавека Беларусь будзе мець шэраг іншых выгодаў: фінансавыя інструменты Еўрасаюза, аднаўленне ў Агульнай сістэме прэферэнцый, ратыфікацыя Дамовы аб партнёрстве і супрацоўніцтве, атрыманне настцпнага транш крэдыту ад МВФ.
Асобным пунктам рэзалюцыя адзначае, што далейшыя парушэнні правоў чалавека і вяршэнства права ў Беларусі могуць прывесці да перагляду пазіцыі ЕС, уключна з прыняццем санкцый.
Оцените статью
1 2 3 4 5Читайте еще
Избранное