Стала вядомая дата пасяджэння Вярхоўнага суда па ліквідацыі Таварыства беларускай мовы
Вярхоўны суд Беларусі разгледзіць пытанне ліквідацыі ГА «Таварыства беларускай мовы імя Францішка Скарыны» 8 лістапада.
Старшыня ТБМ Алена Анісім адзначыла: нягледзячы на тое, якім будзе рашэнне суда, арганізацыя не збіраецца складаць сваіх пазіцый і адмаўляцца ад сваёй дзейнасці.
— Ніхто не адмяняў дзейнасці ініцыятыў і ініцыятыўных груп, а ў Канстытуцыі як была дзяржаўнасць беларускай мовы, так яна і застаецца. І нават калі пройдуць нейкія рэферэндумы, дзяржаўнасць беларускай мовы будзе. А значыць, у нас будзе і магчымасць, і абавязак дзейнічаць па яе абароне, — сказала ў каментары Новаму Часу старшыня ТБМ Алена Анісім.
Па яе словах, Таварыства задзейнічае ўсе юрыдычныя механізмы для таго, каб пазбегнуць ліквідацыі. Калі ж Вярхоўны суд прыме такое рашэнне, чальцы ТБМ будуць думаць аб тым, як працаваць далей.
— Магчыма, нехта выбера фармат незарэгістраванвй арганізацыі — як я ўжо казала, ініцыятывы, а магчыма, што мы распачнем працэс арганізацыі новай структуры пад новай назвай.
Оцените статью
1 2 3 4 5Читайте еще
Избранное