Общество 28.05.2021

Спіс палітвязняў папоўніўся новымі імёнамі, цяпер ён налічвае 450 чалавек

Пра гэта паведамляецца ў супольнай заяве праваабарончых арганізацый Беларусі.

Праваабарончыя арганізацыі выступілі з супольнай заявай у сувязі з асуджэннем наступных грамадзянаў:

Яўген Комбуль, асуджаны па ч. 1 арт. 309, ч. 1 і 2 арт. 339 КК на 5 гадоў папраўчай калоніі агульнага рэжыму;

Сяргей Сіліч, асуджаны па. 1 арт. 309, ч. 2 арт. 339 КК на 4 гады калоніі агульнага рэжыму;

Максім Сілюк, асуджаны па ч. 1 ст. 309, ч. 2 арт. 339 КК на 2 гады 6 месяцаў калоніі агульнага рэжыму;

Максім Пыцель, асуджаны па ч. 2 арт. 339 КК на 3 гады калоніі агульнага рэжыму;

Сяргей Красоўскі, асуджаны па ч. 2 арт. 339 КК на 2 гады калоніі агульнага рэжыму;

Вольга Сыраватка, асуджаная па ч. 2 арт. 339 КК на 2 гады калоніі агульнага рэжыму;

Натальля Барынава, асуджаная па ч. 2 арт. 339 КК на 1 год калоніі агульнага рэжыму;

Аліна Муратава, асуджаная па ч. 2 арт. 339 КК на 1 год калоніі ва агульнага рэжыму;

Уладзімер Кацюбка, асуджаны па ч. 2 арт. 339 КК на 1 год 6 месяцаў калоніі агульнага рэжыму;

Марына Сілёнак, асуджаная па ч. 2 арт. 339 КК на 1 год 6 месяцаў абмежавання волі з накіраваньнем у папраўчую ўстанову адкрытага тыпу;

Сяргей Богдан, асуджаны па ч. 1 арт. 14 і арт. 309 КК на 3 гады калоніі агульнага рэжыму;

Уладзімір Ланкевіч, асуджаны па ч. 1 арт. 14 і арт. 309 КК на 3 гады калоніі агульнага рэжыму;

Віктар Іванцоў, асуджаны па арт. 309 КК на 2 калоніі агульнага рэжыму;

Сяргей Розум, асуджаны па ч. 1 арт. 309 КК на 2 пазбаўлення волі.

Сяргей Шабуня, асуджаны па арт. 14 і арт. 309 КК на 1 год 9 месяцаў калоніі агульнага рэжыму.

Павел Фядукевіч, асуджаны па арт. 14 і арт. 309 КК на 1 год 9 месяцаў калоніі агульнага рэжыму.

Прадстаўнікі беларускіх праваабарончых арганізацый запатрабавалі ад уладаў Беларусі:

- неадкладна вызваліць палітвязняў Аліну Муратаву, Наталлю Барынаву, Сяргея Красоўскага, Вольгу Сыраватку, Уладзіміра Кацюбку, Максіма Пыцеля і спыніць крымінальны пераслед у дачыненні да іх;

- перагляду прынятых у дачыненні да Яўгена Камбуля, Сяргея Сіліча і Максіма Сілюка, Сяргея Багдана, Уладзіміра Ланкевіча, Віктара Іванцова, Сяргея Розума, Сяргея Шабуні і Паўла Фядукевіча мер і судовых рашэнняў пры выкананні права на справядлівае судовае разбіральніцтва і ліквідацыі фактараў, якія паўплывалі на прысуд, іх вызвалення з ужываннем іншых мер стрымання, якія забяспечваюць яўку ў суд;

- неадкладна вызваліць усіх палітычных зняволеных і спыніць палітычныя рэпрэсіі супраць грамадзянаў краіны.