Рудкоўскі: «Вось, што называецца, паказалі ўсяму свету кузькіну маць»

— Цікавы вынік галасавання ў ААН па рэзалюцыі наконт супрацоўніцтва Рады Еўропы і ААН, — піша Рудкоўскі. — Тэма расійскай агрэсіі не была асноўнай, але была закранута ў адным з пунктаў.

Закранута вось у такім ключы:

1) расійская агрэсія названа «агрэсіяй»;

2) пры нагодзе згадана таксама «ранейшая агрэсія» — супраць Грузіі;

3) ёсць словы пра неабходнасць «кампенсаваць шкоды спрычыненыя ахвярам [агрэсіі]» і «прыцягваць да адказнасці тых, хто вінаваты ў парушэнні нормаў міжнароднага права».

Тое, што абсалютная бальшыня падтрымала рэзалюцыю — тут нічога новага. І ранейшыя рэзалюцыі з асуджэннем расійскай агрэсіі праходзілі абсалютнай бальшынёй галасоў. Новенькае тут наступнае:

Кітай — гэтым разам «за» рэзалюцыю.

Казахстан — «за».

Арменія — і яна «за»!

Лукашысцкі рэжым, як і сам пуцінскі, канешне, супраць. Плюс, яшчэ тры рэжымы-аўтсайдэры выступілі на баку Расіі.

Вось, што называецца, паказалі ўсяму свету кузькіну маць. Крамлёўскія параноікі — ваш канец блізкі.