30 год таму бел-чырвона-белы сцяг і герб «Пагоня» сталі дзяржаўнымі сімваламі

Такое рашэнне 19 верасня 1991 года прыняў пасля краху СССР Вярхоўны Савет Беларусі 12-га склікання.

Нацыянальная сімволіка заставалася дзяржаўнай да Рэферэндуму 1995 года, калі замест яе вярнулі савецкія сімвалы. Раней бел-чырвона-белы сцяг і герб «Пагоня» былі сімваламі Беларускай Народнай Рэспублікі — першага дзяржаўнага ўтварэння, што абвясціла сваю незалежнасць ад іншых краін і выкарыстоўвала азначэнне «беларускі».

«19 верасня 1991-га гербу Пагоня і Бел-Чырвона-Беламу Сцягу быў нададзены статус дзяржаўных сімвалаў. Рэфэрэндум-1995 быў прызначаны праз тэрарыстычны акт (збіццё дэпутатаў парламэнта ў залі парламэнта) і прайшоў з парушэннямі Канстытуцыі і законаў. Несумненна, пасля падзення рэжыму Лукашэнкі вынікі «рэфэрэндуму» павінны быць адмененыя», — пiша сёння дэпутат Вярхоўнага Савета Беларусі 12-га склікання Сяргей Навумчык.

Оцените статью

1 2 3 4 5

Средний балл 4.9(33)